بسم الله الرحمن الرحيم ..
شحااااااااااااالكم نفر نفر .. لوووول من زماااااان مب منزل موضوع اليوم الموضوع لمحه سريعه ع بني ياس ها الصور الله يسلمكم كنا فوقت ملل اقوى شي انا ولد خالتي ما نعرف شو نسوي قتله يالله خلينا نصور بني ياس << حسستكم سكوتلندا صح المهم ظهرنا الظهر الناس فبيوتهم ونحن يالسين نفر ف الشوارع المهم صورنا جمن مكان بس احم احم ها اول صوره صورناها طبعا مكانها صوب دوار شرق 1
وها الله يسلمكم جمعيه بني ياس زحمه 24 ساعه وعدال الجمعيه كنتاكي اسوء مطعم ف الارض هم وديايهم المعضل وشي عدال الجمعيه بنايه فيها محل الفايز ها يبيع غتير وعطور وباجي سوالف الشباب وشي ف نفس البنايه محل اجمل والرصاصي ومحل بيتزا ناسي اسمه وجمن محل بعد
وها البنايات جريبه من الجمعيه ها المكان يسمونه سوق رامس كله محلات ذهب محلات خياطه للحريم تقريبا من وقت المغرب تبدا الزحمه وخاصه وقت العيد وايام المدارس
وها نفس الشارع اللي فيه محلات الذهب بس ها البنايات فيها مطعم قصر الامراء و باسكن ومحل اسمه لاروشي اضني جيه اسمه يسوي حلويات وتوزيعات شرات باتشي وبيستاش وشغله مرتب وحلوياته اوكي وشي جمن محل بعد لاغراض متنوعه
وها بعد فنفس الشارع بس اخررر شي بس اي ها المكان عسب ها المخبز . مخبز السلطان اكره ها المكان لانه دووووووووووووم زحمه ويالله يالله تحصل باركن
خلصنا من ها الشارع اخيرا وسرنا مكان ثاني لووول اسمه سوق البلديه .. طبعا سوق البلديه فيه كل شي تقريبا فيه محطه بترول وفي محلات خياطه للريال وللحريم وشي محلات حضار وفواكه وشي محلات ثانيه بعد وشي صالونات فوق ال 6 يمكن للحريم وطبعا قبل رمضان بجمن يوم تبدا الزحمه واخر ايام رمضان تبدا الزحمه طبعا هي الزحمه تسوي كل ويكند تقريبا في مكان واحد عقب بتعرفون ها المكان بس باجي ايام الاسبوع الزحمه تبدا من المغرب بس قبل العيد بجمن يوم تسوي حاله طوارئ لين ما تيي ودوريات تسكر الشوارع وتعطي مخالفات كله بسبه محلات الخضار والصالونات جنه الناس ما يتذكرون يشترون حق العيد الا قبل العيد بيوم طبعا صورننا جمن مكان بس ... ها بيتزا هت وفروتي فروتي وهارديز
وها ف البنايه اللي عدال بنايه بيتزا ..
وها محل ايراني دوم زحمه ماشاء الله عليه فديم زهره بني ياس انا
وطبعا ها الشارع سبب الزحمه اللي فسوق البلديه كل ويكند هههههههههههههه ها الله يسلمكم اسمه شارع الحب ماشاء الله مقطعه بعض المحلات لو تلاحضون قوتشي وبيربري ولوي فيتون ع الزاويه ارماني وبرادا وفندي ماشاء الله اللهم لا حسد .. هههههه اللي يبا صج يضحك اي ويجوف الاشكال كل واحد كااااشخ تقول اليوم عرسه وطبعا الجامه لين النص ومجحل العيون ويا يسمع ميحد او عيضه او بن روغه وفتره طاحوا ع الدبكات ومواتر يحسسونك انهم يحاوطون ف الهارودز طبعا تستغربون انه الشارع فاضي قتلكم انه الناس قاره فبيوتها الا نحن المتفيجين نحاوط
ها محلين الرياضه الاشهر في بني ياس طبعا اشبال بني ياس اشهر من الثاني بحكم انه اقدم منه تقريبا الكل يشتري من عندهم كبار ولا صغار اخر مره شريت كوره من عندهم
وعدال سوق البلديه مدرستي العزيزه احسن مدرسه درست فيها من طلعت عين امي مدرسه حمزه
وها الحمام تيمعوا مادري شعندهم بس احسهم يبون يقلدون الحمام اللي فلندن وباريس اللي ايون الناس ياكلونهم وجيه بس للاسف محد معطيهم سالفه وها المكان تقريبا ف نص سوق البلديه
وها السوبرماركت المنتظر اتوقع انه ينهي اي سوبر ماركت في بني ياس والكل بتريا متى يبطل ... حبيب قلب الوحداويه ههههههههه اللولو
وها دوار حديقه بني ياس اكره كره لانه دوم زحمه ..
طبعا ها مدخل حديقه بني ياس صوب العوائل وشي صوب من ورا للحريم بس .. من زماااااااااااااااااااااااان ما سرت ها الحديقه يمكن اخر مره سرتها يوم كنت ف الابتدائيه رحله مع المدرسه
وها المطعم داخل الحديقه بس ولا مره طبيته
وسرت عقب الصوب الثاني للحديقه ونحن ف الشارع قلت لازم اصورلكم اللي اسمها مدرسه خاصه ع شو مادري هههههههههههههههه يمكن ع السور الاثري اللي ينافس سور الصين
ولا ع المدخل اللي ينافس مدخل قصر الامارات ؟!
وها الصوب الثاني من الحديقه شي صوب للحريم وجريب من صوب الحريم سوق نسيمه السوق الاخضر مادري اذا هو اصلا جيه اسمه ولالا بس معروف انه السوق الاخضر اضني يبيعون فيه سمج وخضار وفواكه
طبعا ها الملعب الدولي هههههههه يفصل بين شرق 1 وشرق 2 ها كان قبل عباره عن 3 ملاعب ملعبين بالطول ووقت المباريات يستوي الملعب بالعرض .. ها اللي مسوينه نادي بني ياس كانوا ايمعون الشباب ويدربونهم وجيه كانوا ياخذون منه اللي يجوفونه اوكي للنادي .. طبعا الملعب من سنين مهجور ..
وها مدرسه اللولو عدال الملعب ها المدرس والله اعلم يقولون انه فيها ينانوه ووايد سمعت الصراحه عنها ..
وهني بنايات منطقه الغابات .. ها محل المدارس للقرطاسيات ضرب سوق محل ثاني اسمه مكتبه المشيره كان هو الوحيد الجريب من المنطقه وكانت اسعاره غاليه شوي لين ما بطل محل المدارس واسعار كانت ارخص من هاك والكل حول عنده ومحل الخزنه ها للعبي كان يحليله ع قوله الوالده ع قد حاله وشغله اوكي يوم بدوا الزباين ايونه كبر راسه واستوت اسعاره غاليه وشي صالون بعد ف فنفس البنايه وشي حلاق ...
وها البنايه الثانيه بس شوي بعيده عن البنايه اللي فوق فيها مخبر العزيزيه وباسكن
وها الاستاندر بس جيه صورته كيفي
واهني مشروع نادي بني ياس اليديد مادري متى بيخلص ..
وها صوره بني ياس مول مفتوح نصه @@
وها صوره المشروع من بعيد .. قديم هاي بنوه الحين خلص من زمان
وها المركز عدال النادي ..
وها الموتر مادري شموضوعه وليش صورته اصلا مادري ,..
وها المغسله وشي غيرها 3 مغاسل مادري 4 ف المنطقه .. بس ها سرناها عسب حبيب القلب مطعم مبروك ها تقرببا طول اليوم زحمممه عنده الكل ياخذله جاي كرك وبعض يزيد براتا عليها .. وها محل البروتينات توه ما كمل سنه ونص اضني كان قبل حلاق فها المكان ..
وها الخياط الاشهر فبني ياس الخياط العربي .. ها سيد البنايات كلها يا محلات كمبيوترات او ستاير وها السوالف .. وشي بنك دبي الاسلامي اهناك ..
واخر صوره لمغسله التاج وحول االمغسله محلات تيلفونات ومحلات زينه للسيارات ..
والسموحه اذا في اغلاط املائيه مع تحيات قهوه ساده | ||||||||||||||||||||||||||||||||||||||||||||||||||||||||||||||||||||||||